Ulrich Lins

Historiisto. Naskiĝis en 1943 en Bonn (Germanio). Li studis historion, politikan sciencon kaj japanologion en la universitatoj de Bonn kaj Kolonjo. Doktoriĝis pri filozofio per tezo pri la historio de Oomoto kun speciala atento al japana naciismo.
Profesie U. Lins ĝis 2008 laboris en la Germana Servo por interŝanĝo de univeritatanoj en Bonn, dum kelkaj jaroj (1978-1983) en Tokio.
Ulrich Lins edziĝis al japanino, havas du infanojn kaj loĝas en Kolonjo.
Esperantistiĝis en 1958 kaj okupis diversajn gravajn postenojn en la Movado – inkluzive kun vicprezidanto de UEA (1989-1995).
Li famiĝis kiel persista esploranto de la persekutoj kontraŭ Esperanto. La unua eldono de La danĝera lingvo estis publikigita en 1973 de la eldonejo L’omnibuso en Kioto. La broŝuro aperis en tre malgranda eldonkvanto, sed unu jaron poste ĝia enhavo estis presita kiel ĉapitro 21 en la prestiĝa, iel epokfara kaj vaste konata verko Esperanto en perspektivo, kies kunaŭtoro (kune kun Ivo Lapenna kaj Tazio Carlevaro) li estis. La ampleksigita versio de La danĝera lingvo aperis en 1975 en japana traduko farita de Kurisu Kei, ĉe la eldonejo Iwanami en Tokio. En 1988 ĉe Bleicher-Eldonejo estis publikigita nova, tute reverkita manuskripto – la rezulto de plurjara ekspluato de tre granda, parte tute nova fontmaterialo. Restis la titolo, sed pro la ampleksigo kaj tralaboro de la verko oni signis ĝin, kiel unuan eldonon. En 1990 aperis dua eldono ĉe la eldonejo Progreso en Moskvo, kio en si mem havas neforviŝeblan valoron, ĉar triono de la libro priskribas persekutojn dum stalinismaj tempoj.
Tamen supozeble la fama esperantologo ne planas skribi artikolon aŭ eseon pri la danĝera Arkones! :-)
(azk)

Sub aŭspicioj de:

TEJO

Zamenhof-Jaro 2017

Subtenu nin!


Donacoj al Arkones

Partneroj

 

LODE

 

Varsovia Vento Elsendoj

 

Pola Retradio